4 x CLAAS ARION til Presis Vegdrift

Snøbrøyting, strøing og kantslått ventar dei fire traktorane.

Frå Lindesnes i sør til Nordkapp i nord, entreprenørfirmaet Presis Vegdrift omset for nær 1,3 milliardar baserte på drift og vedlikehald av offentleg veg. I den omfattande maskinparken sin har det Bergen-baserte firmaet eit aukande tal traktorar, og siste påfyll heiter 3 x CLAAS ARION 460, og dessutan ein CLAAS ARION 430.

– Det er skikkeleg kult å få selja fire traktorar i éin handel, fastslår Sindre Hjelanes, dagleg leiar i H-Mek.

Frå venstre: Nils Roar Storlid-Haug og Sindre Hjelanes (H-Mek), Gaute Nedrevåg og *Magne Legreid (Presis Vegdrift)*

Velutstyrte traktorar

Norwegian Agro-forhandlaren med tilhald ein snau time aust for Bergen hadde nemleg overlevering av traktorane denne veka, og på klargjeringssenteret til Norwegian Agro på Hønefoss, stod dei fire traktorane «linet» opp.

– Det er snakk om fire firesylindra Stage V-godkjente traktorar. Ein ARION 430 (115 hk) med fronthydraulikk og tre ARION 460 (145 hk) med fronthydraulikk og front-kraftuttak. I tillegg har dei alle Nokian industrihjul, 110 l/LS-hydraulikkpumpa mi, QUADRISHIFT girkasse (16+16) med autogiring og SMART STOP, kløtsjfunksjon på bremsepedalen, fortel Hjelanes.

*Sindre Hjelanes er eigar og dagleg leiar for H-Mek, Norwegian Agro-forhandlaren i distriktet frå Midt-Hordaland til sørsida av Sognefjorden.*

Lokalt samarbeid

At det vart nettopp H-Mek og CLAAS som leverandør av dei nye traktorane til entreprenørselskapet, svarer teknisk sjef Ove Sending følgjande på:

– Det var på grunn av mekanikarane våre lokalt i Bergen, som har samarbeidet med Sindre frå tidlegare. Me har verken forkjærleik for CLAAS eller andre merke, men det kan hende me kan få – for Sindre har me trua på. Han er over snittet «på» og veit kva han snakkar om.

Så fort dei fire traktorane er ferdig klargjort skal dei sendast rett i arbeid, høvesvis i Hammerfest, Lakselv og to i Harstad.

– Der skal dei gå med vikeplog og strøkasse, eventuelt fres ved behov. Om sommaren blir det kantslått og om hausten er det brøytestikkesetting, fortel Sending, som håpar å nå 1 000 timar per eining.

– Me har ikkje hatt så mange traktorar hittil, det blir kanskje ti totalt med dei fire CLAAS-ene no, men ser for oss at det på sikt blir fleire. Desse fire skal stort sett gå på gang- og sykkelveg, der totalvekt er maks seks tonn, men no er det òg opna for å bruka traktor til brøyting av veg, i saman med lastebil, seier Sending.

Forhandlarsamarbeid: Dei fire CLAAS traktorane Presis Vegdrift blir sette rett i arbeid, og sjølv om avstanden er lang mellom H-Mek og Nord-Noreg, der traktorane skal operera, har Sindre og H-Mek lagt opp til samarbeid og bistand frå dei lokale forhandlarane, K. Simonsen Storbilsenter i Harstad og Total Maskinservice i Troms.

Norskprodusert vinterutstyr

Forutan CLAAS traktorane har Presis Vegdrift òg kjøpt mykje Duun-utstyr, og her har Sending gode erfaringar hittil.

– Duun er bra produkt! Me har kjøpt mykje av andre merke og, men når det gjeld snøfres og strøkassar, så ligg det an til å bli Duun framover. Både på grunn av kvaliteten, men også dialogen med Sindre og heile pakken rundt. Me har tru på at dette skal bli bra, avsluttar Sending.

*Ekstra tryggheit: Traktorane er levert med utvida MAXI CARE fabrikkgaranti, inntil 5 år eller 5 000 timar.*

Om Presis Vegdrift

Presis Vegdrift er eit selskap i Presis Infra med 17 drift og vedlikehaldskontraktar for Statens vegvesen og Fylkeskommunane. Me har ein liten men effektiv stab som har sterkt fokus på økonomi, teknisk/maskin, HMS og Kvalitetssikring. Me satsar på høg fagleg kompetanse på tvers av kontraktane.

Om H-Mek

H-Mek er forhandlar for Norwegian Agro i distriktet frå Midthordland til sørsida av Sognefjorden. Me driv med både sal og reparasjonar. Med tre fullrigga servicebilar og godkjent traktorverkstad, så er vi klare for oppdrag både med landbruk- og anleggsutstyr.